Evangelium Secundum Lucam*
Caput 1: Versus 12
Et Zacharias turbatus est videns, et timor irruit super eum,etc.[AMBR.]Solemus turbari et a nostro affectu alienari quando perstringimur superioris potestatis occursu. Sed sicut humani defectus est terreri, ita angelicae benignitatis est paventem suo aspectu blandiendo solari; contra, daemones, si quos sua praesentia territos senserint, ampliore horrore concutiunt.